9 საშუალება, რომელიც დაგეხმარებათ შფოთვის დაძლევაში

CalmMind შფოთვის დაძლევა.სიმშვიდე

შფოთვის მდგომარეობა ფაქტობრიად ყველა ადამიანს გამოუცდია. თუმცა, ზოგ შემთხვევაში ის მთლიანად მოიცავს ხოლმე ადამიანის ცხოვრებას.

შეიძლება თქვენ შფოთავდეთ საკუთარ ჯანმრთელობაზე, სამსახურში ან უნივერსიტეტში შესასრულებელი სამუშაოს დასრულებაზე, თქვენს მომავალზე, შვილებზე და ა.შ

იმისთვის, რომ შფოთვა შევამციროთ, პირველ რიგში აუცილებელია, რომ გაიაზროთ და მიიღოთ ეს მდგომარეობა, თვალის გაუსწოროთ მას. ამის შემდეგ კი, მის შესამცირებლად, გთავაზობთ 9 საშუალებას:

წარმოიდგინეთ, რომ მეხანძრე ხართ

გამოუშვით თქვენი შფოთვის ალი გარეთ, ღრმა ამოსუნთქვით. განაგრძეთ სუნთქვა ღრმად და ნელა. როდესაც თქვენ სუნთქვას ანელებთ, გონება ფიქრობს, რომ მოდუნებულად ხართ ან ჩაძინებას აპირებთ. ეს დაგეხმარებათ დამშვიდებაში.

გაანალიზეთ შფოთვის მომგვრელი აზრები

ისეთი ფიქრები, როგორებიცაა: „მე არ შემიძლია", „ეს რა საშინელება დამემართა", „რა მეშველება" და ა.შ შფოთვას პირიქით აძლიერებს. ამის ნაცვლად, უმჯობესია იფიქროთ, თუ რისი გაკეთება შეგიძლიათ სიტუაციის შესაცვლელად და ასევე, იმაზეც, რეალურად თუ რისი გაკეთება არ შეგიძლიათ. ადეკვატურად შეაფასეთ საკუთარი შესაძლებლობები.

შემდეგ იმოქმედეთ იმის შესაცვლელად, რაც შეგიძლიათ და იმუშავეთ იმის გამოსწორებაზე რაც არ შეგიძლიათ (თუ მისი შეცვლა თქვენვის მნიშვნელოვანია).

დაისახეთ მიზნები

ღელვა ბევრ ისეთ საკითხთან მიმართებაში, რომელიც სულაც არ არის თქვენთვის არსებითად მნიშვნელოვანი გრძელვადიან პერიოდში, შფოთვის წარმოქმნის ერთ-ერთ მიზეზს წარმოადგენს.

დაისახეთ კონრეტული მიზნები და განიხილეთ, რამდენად მნიშვნელოვანი იქნება ეს თქვენთვის. გაანალიზეთ, ეს მიზანი ნამდვილად მნიშვნელოვანი იქნება თუ არა თქვენთვის ხუთი წუთის, ხუთი თვის ან ხუთი წლის განმავლობაში.

დაამშვიდეთ/განტვირთეთ თქვენი სხეული

შეგიძლიათ მიმართოთ იოგას ან ჩართოთ მშვიდი მელოდია და იცეკვოთ. შეეცადეთ იპოვოთ გზები თქვენი სხეულის დასამშვიდებლად და მოსადუნებლად.

ისაუბრეთ თქვენს შეგრძნებებზე

თქვენი გრძნობებისთვის უბრალოდ სახელის მინიჭებასაც კი შეუძლია თქვენი დამშვიდება. ამის გაკეთება უფრო ადვილია, როდესაც საკუთარ გრძნობებს სხვებს უზიარებთ. ასევე შეგიძლიათ აწარმოოთ ჩანაწერები, სადაც შეძლებთ ნათლად გადმოსცეთ თქვენი შეგრძნებები.

არ უგულველყო შენი შეგრძნებები

შფოთვა ერთგვარ წითელ დროშას წარმოადგენს, რომელიც გიგზავნით სიგნალს, რომ რაღაცაზე ყურადღება უნდა გაამახვილოთ. ყურადღება მიაქციეთ საკუთარ შეგრძნებებს და თუ დამოუკიდებლად გიჭირთ მასთან გამკლავება, დახმარებისთვის აუცილებლად მიმართეთ სპეციალისტებს.

გამორიცხეთ შფოთვასთან დაკავშირებული სხვა მიზეზები

ზოგჯერ სამედიცინო პრობლემები შეიძლება მიემსგავსოს შფოთვის მდგომარეობას და სიმპტომებს. ასე, რომ არ დაგავიწყდეთ, თქვენი ჯანმრთელობის მდგომარეობის გადამოწმება.

დაელოდე

ზოგიერთი სიტუაცია და მდგომარეობა, ბუნებრივად იწვევს შფოთვას. ასეთ შემთხვევეში, უნდა შემოუშვათ შფოთვა და ზედმეტი ძალიხსმევის გარეშე, თავადვე გადაივლის.

იყავით ცნობიერ მდგომარეობაში.

დარჩით აწმყოში და ნუ გამოტოვებთ ახლანდელ მომენტს. საკუთარი თავის აწმყოში დაბრუნების მიზნით სცადეთ ეს "5 გრძნობის" ვარჯიში:

გაშალეთ ხელი და თითოეული წინადადების წარმოთქმის თანავე თითი გაიშვირეთ საჭირო მიმართულებით:

1) ის,რისი დაგემოვნებაც შეგიძლიათ

2) ის, რისი სუნის შეგრძნებაც შეგიძლიათ

3) ის, რაზე შეხებაც ახლავე შეგიძლიათ (მაგ:თქვენი კანი, სავარძელი, სვიტერი და ა.შ)

4) ის, რისი მოსმენაც შეგიძლიათ

5) ისინი, რისი დანახვაც, ახლა შეგიძლიათ

როდესაც გარემოდან სენსორულ სტიმულაციას იღებთ, თქვენი შიშის შეგრძნებები მცირდება. ასე, რომ შეეცადეთ მაქსიმალურად მიიღოთ გარემოდან სენსორული სტიმულაცია, მოდუნდით და დამშვიდდით. 

სტატიის ავტორი: მარიამ იანტბელიძე 

...

Cleveland Clinic: Every Life Deserves World Class Care

Cleveland Clinic, a non-profit academic medical center, provides clinical and hospital care and is a leader in research, education and health information.

მსგავსი სიახლეები

 
დახმარება